Lo noste site qu'ei mantengut e en trin de mudar. Que'vs pregam de'ns desencusar deus chepics encontrats.

Los cors adultes de Parlem! que tornan préner la setmana deu 25 de seteme. Mes de rensenhaments sus la paja Cors Adultes/

Parlem qu’ei ua association qui’s balha per objectiu de desvelopar l’ensenhament e la practica de l’Occitan de Gasconha suu despartament de las Hautas-Pireneas.

Creada en 1993, que perpausa talhèrs d’aprentissatge e de paraula entà manténguer la practica quotidiana de la lenga.

 En 2000, dens l’encastra d’un partenariat dab lo Conselh Despartamentau, l’Inspeccion d’Academia e de las comunas volontarias, Parlem que s’engatja dens l’operacion Caminaires qui permet de perpausar cors d’iniciacion au gascon dens las escòlas publicas deu despartament. L’operacion aquesta que s’ei espandida, en 2017, suu territòri de la comunautat de comunas d’Astarac-Arròs en Gasconha, dens los Gers.

En 2009, lo Conselh Despartamentau que hica en plaça l’operacion Lenga de casa (talhèrs de paraulas dens los EHPAD) puish, en 2011, l’operacion Lenga e mainats (talhèrs d’iniciacion dens los establiments de mainadèra). Parlem qu’esto retienguda com operator e que persegueish aqueths talhèrs.