Deliberacion de la comunitat d’Abòs en Biarn deu 24 de deceme de 1724
Arquius despartamentau deus Pireneas Atlantics, E dépôt Abòs, BB2, folio 7
Lan mille sept cens vingt et quoatte et lou permer de desembre que la comune ses assemblade au man et assignation de Jean de Guilhembrun et Pierre de la Crous gardes a cause que en tal iour lous pastous Besiaus an servit Et es estat proposat per lou sieur de Ferranot iurat den far dautres per goardar lous Bestiars deus habittans deud borg et per goardar lous porcqs et trouÿes. Ses presentat Jean deu Hau cadet deud borg et habittant a la maÿson de st Aurence qui a promes deus bien goardar et pastouregar a son scauer et pouder. Voüs menar et condusir la on indgeran que tal bestiar feran lour profieÿt tan de iours que de noeÿ en temps de paline Et sÿ aucuns habittant lou fer couneshe que lous susd porcqs nou fen lour profieÿt et sera obligat den far viene hens lou vilatge Et sÿ lou susd pastou lous mene entro au bosq sera obligat lous far viener dauant las grabes Et sÿ los conduseix entro a la saligue sera obligat de lous condusir entro dauant clauerie Et sÿ tal bestia nou se retiren entalas maÿsons lous mestes ou mestresses ou domestiques de queigs seran obligat de lous anar demandar au susd en lad maÿson de st Aurance. Et si lou cas es que nous retirin loud pastou sera tiengut de lous anar sercar Et sÿ nou lous trobe sera obligat dauertir lou meste ou maistresse dequeigs per lou bailhar assistency Et sÿ lou cas que nou bouilhen pas assistar loud pastou en demourera deschargat Et sÿ cas es ques perguien per male goarde per peignere ou carnau sera obligat de lous pagar et reparar a sons propis despens Et sÿ lou cas es que sÿ afolÿ nade bestÿ dequeres qui aura en goarde sera tiengut de la pagar et reparar a la conneshence deus estimadours Sy cas es que se afolÿ per male goarde ameinx que nou sapié dese quin ses feÿte et talles pertes ou affolles seran indiquadas per la comunitat non aillours Et sÿ cas es que iaye aucun porcq ou trouÿe quy accostumasse danar a la lana que las recounegousse sera tiengut de las remeter ab larramus Et sÿ cas es que aucun habittant neurisse porcqs et que lous remettie ab loud pastour oeÿt iours sera tiengut de lou pagar cum sy labe mettude tout lan et abertÿ crompade ou bendude tant pagat tant servit Et per goardar lous susd porcqs et trouÿes labem promes en comun un congalet arras de milh ou milhocq Et per responne de lasd pertes ou affoles a bailhat per caution Jean de st Pé deud locq qui tous deus an promes de las pagar et reparar Et per responer deu cautionnement loud deu Fau qui a obligat la goarde deus susd porcqs en favour deud de st Pé et deus habittans et pagar las bestis que se affolin ou se perguien aura temps de las pagar et reparar lendeiour de st Andreu iour qui aura serbit Et sera credus ab son jurament Et lou present pacte es estat dressat per lou sieur de Ferranot iurat Et lecture en es estade feÿte per devant la comune qui an signat lous qui an scabut signa e lous autres an approuuat tout so dessus Et lou present pacte es estat escriut sus lou libe de policis qui la comune an a cause de nou aber papé mercat.
