Lo desvelh au bilingüisme, la descobèrta d’ua lenga e d’ua cultura locau que’s pòden hèr a tot atge e dens totas las estructuras d’arcuelh de mainats o d’adolescents.

Qu’ei en pr’amor d’açò que Parlem! e perpausa animacions de cap au public qui frequenta los centres de lesers.

Que’vs perpausan, aci tanben, un panèl d’activitats com : intervencions tematicas los dimèrcs e/o vacanças escolaras per miei dias, adaptadas en foncion de l’atge. Possibilitat de cumular los miei dias entà animacions de dimèrcs sancèr, lhèu tanben ua setmana pendent las vacanças escolaras.

- Possibilitat de duas tematicas per miei dia:

                1 intervienent = 1 sola tematica

                2 intervienents = causida de 2 tematicas diferentas

- Las tematicas d’intervencion:

• Jòcs e espòrts tradicionaus, descobèrta deu patrimòni viu e de la cultura gascona peus jòcs e espòrts tradicionaus.
• Cantas e danças, iniciacion a la lenga occitan a travèrs deu repertòri gascon e/o pratica de danças tradicionaus.
• Contes e istòrias, exploracion deu conte tradicionau haut-pirenenc e de l’imaginari, sensibilizacion au lexic deu supòrt.
• Vita vitanta, adaptacion sus ua tematica en lingam dab lo projècte de la periòde.
• Activitats manuaus, sus tematicas predefinidas (ex: Nadau, Carnaval, origami…), a defenir segon l’atge. 

Per tota demanda d’entresenhas o d’estimacion, que nse podetz contactar.