L’Operacion “Caminaires” qu’ei cofinanciada peu despartament e las comunas o estructuras intercomunaus volontàrias. Que permet aus mainats d’apréner l’occitan gascon, la “lenga deu país”, taus balhar ua compreneson de las granas dens lo lor mitan sociau e culturau. La transmission d’aqueste patrimòni viu permet ua aubertura de cap a la diversitat culturau e linguitica. 

Las intervencions dens las escòlas que son asseguradas peus Caminaires salariats de Parlem, sus la basa de: 

      - ½ òra setmanèra dens las classas mairaus,

      - 1 òra setmanèra dens las classas elementàrias.

L'inspeccion d'Acadèmia qu’abilita los Caminaires de Parlem, que participa a las formacions e au seguit pedagogic.

Desempuish heurèr de 2018, Parlem qu'intervie tanben dens las escòlas de la Comunautat de Comunas Astarac Arròs en Gasconha en pramor de la convencion signada entre l'associacion e la collectivitat.